Үйлчилгээний нөхцөл

SHOEZ.mn цахим худалдааны сайт нь “Шүүз Онлайн” ХХК-ийн албан ёсны вэб сайт бөгөөд энэхүү үйлчилгээний нөхцөл нь уг онлайн вэб сайтаар үйлчлүүлэх, худалдан авалт хийхтэй холбоотой үүсэх харилцааг зохицуулахад оршино.

1.1 Хэрэглэгч SHOEZ.mn цахим худалдааны үйлчилгээний нөхцөлийг хүлээн зөвшөөрч баталгаажуулсны үндсэн дээр вэб сайтаар худалдаа хийх, үйлчилгээ авах эрхтэй болно.

1.2 SHOEZ.mn сайтад бэлэн байгаа барааг захиалга хийгдсэнээс хойш 24-48 цагийн дотор захиалагчийн заасан хаягт хүргэнэ. Бэлэн бус барааг тухайн бараан дээр онцолж заасан хугацаанд захиалагчийн заасан хаягт хүргэнэ.

1.3 Энэхүү үйлчилгээний нөхцөлийн хэрэгжилтэд “Шүүз Онлайн” ХХК /цаашид байгууллага гэх/ болон хэрэглэгч /цаашид хэрэглэгч болон захиалагч гэх/ хамтран хяналт тавина.

1.4 SHOEZ.mn вэбсайт нь зөвхөн насанд хүрэгчдэд үйлчлэх ба насанд хүрээгүй хүүхэд эцэг эхийн хамт үйлчилгээний нөхцлийн дагуу худалдаа, үйлчилгээ авах боломжтой.

2.1 Цахим худалдааны тэмдэгтүүд нь “Шүүз Онлайн” ХХК-ний өмч бөгөөд бараа бүтээгдэхүүний тэмдэгтүүд нь Брэндүүдийн өмч болно. Энэхүү вэбсайтын лого, нэр бусад загварыг хуулах, олшруулах, дуурайх, өөр бусад ямар ч зүйлд ашиглахыг хориглоно.

2.2 Вэб сайтын ажиллагаа, түүний аюулгүй байдал, цахим худалдааны хэрэглэгчдийн мэдээллийн нууцлалыг “Шүүз Онлайн” ХХК бүрэн хариуцна.

2.3 Хэрэглэгч нь SHOEZ.mn системд нэвтрэх цахим шуудан болон нууц үгийг бусдад дамжуулахгүй байх, үүнтэй холбоотой учирч болох аливаа эрсдэлээс сэргийлэх үүрэгтэй. Энэхүү үүргээ биелүүлээгүй буюу хангалтгүй биелүүлсэний улмаас учирсан аливаа хохирлыг “Шүүз Онлайн” ХХК хариуцахгүй болно.

2.4 Хэрэглэгч вэбсайтын талаар санал гомдол, шинэ санаа, шинэ бараа борлуулах хүсэлт, шүүмж зэргийг чөлөөтэй илэрхийлэх, илгээх эрхтэй.

2.5 Хэрэглэгчийн мэдээллийн үнэн зөв, бодит байдалд хэрэглэгч бүрэн хариуцлага хүлээнэ.

2.6 Хэрэглэгч нэгэн зэрэг хэдэн ч худалдан авалт хийх боломжтой.

2.7 Хэрэглэгч худалдан авсан бараа бүтээгдэхүүнээ албаны болон гэрийн хаягаар хүргүүлэх боломжтой.

3.1 Захиалга авах хугацаа:

• Хэрэглэгч SHOEZ.mn цахим худалдааны системийг ашиглан 24 цагийн аль ч цагт хэдэн удаа ч захиалга хийж болно.

3.2 Захиалга баталгаажих, цуцлагдах хугацаа:

• Хэрэглэгч нь захиалга хийснээс хойш 48 цагийн дотор зааврын дагуу төлбөрийг бүрэн шилжүүлснээр захиалга нь баталгаажна.

• Захиалгын төлбөр 48 цагийн дотор холбогдох дансанд орж ирээгүй тохиолдолд захиалга автоматаар цуцлагдах болно. Нэгэнт цуцлагдсан захиалгыг дахин сэргээх боломжгүй бөгөөд хэрэглэгч хүсвэл захиалгыг дахин шинээр захиалах боломжтой.

• Хэрэглэгч 48 цагийн дотор төлбөрийг гүйцэтгэж чадаагүй захиалга цуцлагдсан тохиолдолд “Шүүз Онлайн” ХХК ямар нэгэн хариуцлага хүлээхгүй болно.

• Хэрэглэгч нь Ажлын өдрүүдийн ажлын цагаар утсаар холбогдож мэдээлэл авах, тодруулах бүрэн боломжтой байна.

3.3 Захиалгын бараа хүргэгдэх хугацаа:

• SHOEZ.mn цахим худалдааны систем нь хэрэглэгчийн хийсэн захиалгын төлбөр албан ёсны дансанд тодорхой заавар, хэлбэрийн дагуу хийгдсэн тохиолдолд захиалга албан ёсоор хийгдэж баталгаажсан гэж үзнэ.

• Хэрэглэгч захиалга хийх, төлбөр гүйцэтгэх, бараа хүлээж авах бүрд хэрэглэгчийн бүртгүүлсэн цахим шууданд болон бүртгүүлсэн гар утсанд мэдэгдэл илгээнэ.

• Захиалгын төлбөр гүйцэтгэл, тээвэрлэлт, аюулгүй байдал зэргийг харгалзан төлбөр гүйцэтгэгдсэн өдрөөс хойш бэлэн барааг Улаанбаатар хот дотор хүргэх хугацаа 24-48 цаг, захиалгаар буюу үйлдвэрээс нийлүүлэх барааг Улаанбаатар хот дотор 7-14 хоногийн дотор системд оруулсан хаягийн дагуу хүргэж өгнө.

• Давагдашгүй хүчин зүйл, бүх нийтийн амралтын өдрүүд, хил, гаалийн үйл ажиллагаа саатах, цаг агаарын байдал болон бусад хүчин зүйлийн улмаас тээвэрлэлт саатах зэрэг шалтгаанаар тодорхой хугацаагаар бараа хүргэлт саатах бүрд хэрэглэгчид нэн даруй мэдэгдэнэ.

3.4 Онцгой бараа:

• Хэрэв Хэрэглэгчийн хийсэн захиалгын бараа онцгой шинж чанартай байх тохиолдолд тухайн үеэд нь Хэрэглэгчид мэдэгдэх, тодруулах, захиалгыг дахин баталгаажуулж хүргэлтийн нөхцөлийг тодорхойлох болно.

4.1 Хэрэглэгч захиалга хийж баталгаажуулсны дараа цахим хэлбэрээр захиалгын хуудасны мэдээлэл авна. Мөн SHOEZ.mn худалдааны систем нь захиалгыг баталгаажуулж байх хугацаанд захиалгын нийт дүн, төлбөр гүйцэтгэх хэлбэр, төлбөр хүлээн авагч байгууллагын нэр, дансны дугаар зэргийг Хэрэглэгчдэд ойлгомжтой хэлбэрээр хүргэх болно.

4.2 Хэрэглэгчийн хийсэн захиалга бүр дахин давтагдашгүй захиалгын дугаартай байх бөгөөд Миний Бүртгэл хэсэгт захиалгын тухай дэлгэрэнгүй мэдээллийг харах боломжтой.

4.3 Захиалга хийгдсэнээс хойш 48 цагийн дотор Хэрэглэгч нь төлбөрийг хүлээн авагчийн дансанд шилжүүлэх, байршуулах шаардлагатай. Төлбөрийг шилжүүлэх, байршуулахад системд заагдсан зааврыг зайлшгүй дагах шаардлагатай.

4.4 SHOEZ.mn худалдааны систем нь захиалгын нийт үнийн дүнг 100 хувь урьдчилан хүлээн авснаар захиалга автоматаар баталгаажна.

4.5 SHOEZ.mn худалдааны систем нь Хэрэглэгч захиалга хийгдсэнээс хойш 48 цагийн хугацаанд төлбөр гүйцэтгэх боломжийг олгож байгаа бөгөөд тус хугацаанд захиалгыг цуцлах, болих, өөрчлөх боломжийг олгож байгаа.

4.6 Хэрэглэгчийн захиалсан барааны үлдэгдэл дэлгүүр болон агуулахад дууссан, эсвэл эцсийн үлдэгдэл бараан дээр давхар захиалга хийгдсэн тохиолдолд сүүлд захиалга хийсэн хэрэглэгчид өөр бүтээгдэхүүнээр захиалгаа өөрчлөх эсвэл гүйцэтгэсэн төлбөрийг 100 хувь буцаан авах боломжтой.

4.7 Хэрэглэгчийн захиалсан барааны загвар зөрсөн, гэмтэлтэй байсан тохиолдолд SHOEZ.mn худалдааны систем нь тус барааг солиулах эсвэл гүйцэтгэсэн төлбөрийг 100 хувь буцаан авах боломжтой.

4.8 SHOEZ.mn худалдааны системийн бараа захиалгын тээвэрлэлтийг мэргэжлийн байгууллага хариуцаж гүйцэтгэх тул захиалсан бараа гэмтэлтэй ирсэн тохиолдолд дээрх нөхцөлийн дагуу арга хэмжээ авна.

4.9 Хэрэглэгч захиалга хийхдээ тус системд байгаа барааны дэлгэрэнгүй танилцуулга, мэдээллийг сайтар судлах зайлшгүй шаардлагатай юм. Хэрэглэгч тус барааны талаар сайтар мэдээлэл аваагүйгээс болж захиалга хүргэгдэн ирсний дараа захиалгыг буцаах хүсэлтийг SHOEZ.mn худалдааны систем хүлээн авах, барааг буцаах боломжгүй юм. Системд барааны албан ёсны брэнд, бүтээгдэхүүний нэр, код зэрэг мэдээлэл байгаа тул бусад мэдээллийн сувгийг ашиглан тус барааны талаар мэдээлэл, бусад орны хэрэглэгчдийн санал гомдлыг судлах боломжтой юм.

4.10 Дээрх нөхцөл байдал үүсэх боломжтой тул Шүүз худалдааны системийн зүгээс захиалга хийгдсэнээс хойш төлбөр төлж, захиалгаа баталгаажуулах 48 цагийн хугацаа өгч байгаа болно.

6.1 Хэрэглэгчийн захиалгыг Улаанбаатар хот дотор А болон B бүсэд 5000 төгрөг,  C бүсэд 10000 төгрөгийн төлбөртэйгөөр тус тус хүргэнэ.

6.1.1 300,000 төгрөгөөс дээш үнийн дүнтэй захиалгад А болон B бүсэд үнэгүй хүргэлтээр үйлчилж байна.

6.1.2 300,000 төгрөгөөс дээш үнийн дүнтэй орон нутгийн захиалгад А болон B бүсэд байрлалтай орон нутаг руу тээврийн үйлчилгээ үзүүлэгч байгууллага руу үнэгүй хүргэлтээр үйлчилж байна. 

6.2 Хот доторх хүргэлт нь Улаанбаатар хотын дараах хязгааруудад хийгдэнэ. Үүнд:

• А бүсийн тойрогт:
• Баянгол дүүргийн 1, 2, 3, 4, 5, 6, 7, 8, 13, 14, 15, 16, 17, 18, 19, 24, 25-р хороо, 
• Баянзүрх дүүргийн 1, 3, 6, 15, 18, 25, 26-р хороо
• Сүхбаатар дүүргийн 1, 2, 3, 4, 5, 6, 7, 8-р хороо
• Хан-Уул дүүргийн 1, 2, 3, 15, 17, 18, 19, 20-р хороо
• Чингэлтэй дүүргийн 1, 2, 3, 4, 5, 6-р хороо
  
  
• B бүсийн тойрогт:

• Баянгол дүүргийн 9, 10, 11, 12, 20, 21, 22, 23-р хороо
• Баянзүрх дүүргийн 2, 4, 5, 12, 13, 14, 16, 19, 22-р хороо
• Сонгино хайрхан дүүргийн 27, 29, 5, 30, 6, 31, 7, 8, 11, 12, 37, 13, 14, 39,  15, 16, 17, 43, 23-р хороо
• Сүхбаатар дүүргийн 9, 10, 11, 12-р хороо
• Хан-Уул дүүргийн 4, 5, 6, 7, 8, 11-р хороо
• Чингэлтэй дүүргийн 8, 9, 10, 11-р хороо

• C бүсийн тойрогт: 

• Баянзүрх дүүргийн 27, 8, 9, 10, 11, 17, 21, 24-р хороо
• Сонгинохайрхан дүүргийн 1, 26, 2, 3, 28, 4, 9, 34, 10, 35, 36, 38, 40, 41, 18, 19, 20, 22, 24, 25-р хороо
• Сүхбаатар дүүргийн 13, 14, 15, 16-р хороо
• Хан-Уул дүүргийн 9, 10, 16, 21-р хороо
• Чингэлтэй дүүргийн 7, 12, 13, 14, 15, 16, 17, 18-р хороо.

6.3 Хэрэв Хэрэглэгч өөрийн захиалгыг хүргэлтгүй захиалсан бол захиалгын бараа болсон хойно Хэрэглэгч өөрийн биеэр ирж барааг авна.

6.4 Дээр заасан хязгаараас гадагш хүргэлт хийх тохиолдолд тухайн орон нутаг руу тээврийн болон шуудангийн үйлчилгээ үзүүлдэг үйлчилгээний байгууллагаар хүргүүлнэ. Үйлчилгээний хөлсийг захиалагч хариуцна. / Жишээ нь: Тэнгэр Плаза Унаанд дайх, Драгон терминалаас автобусанд дайх гэх мэт /

6.5 Хэрэглэгч хүргүүлэх хаяг, холбоо барих утасны дугаараа /маш тодорхой/ үнэн зөв бөглөх үүрэгтэй ба буруу мэдээллээс болж үүдэн гарах зардал, алдагдлыг хэрэглэгч хариуцна. Хүргэлт хийгдэх цагаар утсаа нээлттэй байлгах, хаяг дээрээ байх шаардлагатай.

6.6 Хэрэглэгч барааг хүлээн авахдаа бичиг баримтаа хүргэлтийн ажилтанд шалгуулж бараагаа шалгаж хүлээн авна.

6.7 Худалдан авалттай холбоотой дэлгэрэнгүй мэдээлэл хэрэглэгчийн бүртгүүлсэн и-мэйл хаяг, бүртгүүлсэн гар утас руу тогтмол илгээгдэх ба хэрэглэгч өөрийн захиалгын түүх дотроосоо харах боломжтой.

7.1 Цахим лизингийн хүсэлт үнийн дүнгээс хамаарсан зээлийн урьдчилгаа болон үйлчилгээний шимтгэл 1% - ийг шилжүүлсэний дараа судлагдаж эхлэнэ.

7.2 Зээлийн шийдвэр ажлын 3 хоногийн дотор таны гар утасны дугаар болон цахим шууданд мэдэгдэнэ.
7.3 Зээлийн шийдвэр татгалзсан тохиолдолд урьдчилгаа төлбөрийн / Qpay ашигласан бол 1%, гүйлгээний шимтгэл/-үүд суутгагдан ажлын 3 өдөрт багтаан тухайн хэрэглэгчийн дансанд шилжүүлнэ.
7.4 Зээлийн хүсэлт шийдвэрлэгдсэн тохиолдолд захиалга хүргэгдэнэ. Захиалгыг заавал тухайн зээлдэгчид гардуулан өгөх ба хэрэглэгч иргэний үнэмлэх эсхүл бусад бичиг баримтыг биедээ авч явах хэрэгтэй.

7.5 Хэрэв та давтан зээл авж байгаа бол дахин мэдээлэл бөглөх боловч нэмэлт гэрээнд гарын үсэг зурах шаардлагагүй ба цахимаар зээлийн гэрээг баталгаажуулна.

7.6 SHOEZ.mn дээрх 200.000 төгрөгөөс дээш аль ч бараа бүтээгдэхүүнийг зээлээр худалдан авах боломжтой бөгөөд зээлээр авах хэсгийг сонгож өөрийн мэдээллээ үнэн зөв бөглөх үүрэгтэй.

7.7 Зээлийн эргэн төлөлтийг SHOEZ.mn-ны дансанд төлөхгүйг анхаарна уу. Таны цахим шууданд банкнаас эргэн төлөлтөө төлөх график, данс илгээх ба эргэн төлөлтөө банкнаас ирсэн зааврын дагуу шилжүүлэх ёстой.

7.8 Та зээлийн төлбөрөө гэрээнд заасан хуваарийн дагуу төлөх үүрэгтэй бөгөөд ийнхүү төлснөөр дараа дараагийн зээл авах эрх, боломж нэмэгдэх боломжтой. Харин зээлээ төлөөгүй тохиолдолд таны мэдээлэл Монголбанкны зээлийн мэдээллийн санд бүртгэгдэж дахин өөр банк, санхүүгийн байгууллагаас зээл авах боломжгүй болно.

7.1 Энэхүү Үйлчилгээний нөхцлийн заалтууд нь өөрчлөгдөх боломжтой бөгөөд өөрчлөлтийг хэрэглэгчид мэдэгдэх үүрэг хүлээхгүй.